19:13 ''Մարդու իրավունքներ և լրագրություն '' Ա~խ, տրանսպորտ,տրանսպորտ | |
 Ախ , տրանսպորտ, տրանսպորտՄենք ամեն օր խոսում ենք մեր իրավունքների մասին, սակայն դրանց ոտնահարման դեպքում հաճախ չենք պաշտպանում մեր իսկ իրավունքները: Դրա վառ օրինակը մեր երթուղային տաքսիների վիճակն է: Սկսեմ ամենասկզբից. կանգնած ես կանգառում երկար ժամանակ և հանկարծ գալիս է մի կիսաքանդ երթուղային ՝ մի կողմի թեքված: Բացում ես երթուղայինի դուռը և կանգնում դժվարին ընտրության առաջ. մի կերպ խցկվել երթուղայինի մեջ, թե ՞ սպասել մյուսին, բայց քաջ գիտակցելով, որ հաջորդ երթուղայինը գալու է նույն վիճակում, հավաքում ես բոլոր ուժերդ ու քեզ մի կերպ տեղավորում երթուղայինի մեջ: Կռացած և անհարմար վիճակին գումարվում է ծխախոտի հոտը: Եթե հնարավորություն ես ունենում գլուխդ շարժելու` կարող ես նկատել պատուհանին մեծ տառերով փակցված ազդագիրը. «Հարգելի ուղևոր, պահանջեք վարորդից, որ նա չծխի և չվնասի ձեր առողջությունը»: Դե, իհարկե, հասկանում եք, որ գրեթե ոչ ոք չի էլ փորձում պաշտպանել իր իրավունքը: Կարծում եմ` պատճառն այն է, որ ամաչում են կամ կարծում են, որ անօգուտ է: Դե, ինչպես ասում են` «Խելքից տուժում է առողջությունը»: Իսկ եթե առանց կատակի, ապա ամեն այդպիսի վարորդ խախտում է այն օրենքը, որ արգելում է երթուղայինում ծխելը: Օրենքը ընդունվել է 2004-ին, 2005-ից ուժի մեջ է մտել: Ասեմ նաև` օրենսգրքում վարչական իրավախախտումների դեպքում տուգանք է նախատեսվում: Ուղղակի խնդիրն այն է, որ իրավական դաշտը կա, բայց ռեալ կյանքում չի կիառվում: · Քաղաքային տրանսպորտում եւ փոխադրամիջոցներում, ներառյալ` ավտոբուսներում, երթուղային տաքսիներում,գնացքներում, ինչպես նաեւ օդակայաններում ու գնացքի կայարաններում ծխելն արգելվում է: · Ճանապարհային երթեւեկության կանոնների համաձայն, դուք իրավունք ունեք երթևեկել առանց ծալապատիկ ուտրորված դիրքով, որովհետեւ ըստ երթեւեկության կանոնների` նստատեղերից ավելի ուղեւոր տեղափոխելը արգելվումէ: Դե, եթե օրենքով նախատեսված կետերը չենք պահպանում, էլ ինչ իմաստ ունի խոսել մնացածի մասին: Օրինակ` եթե բախտդ բերի և երթուղայինի մագնիտոֆոնը փչացած լինի՝ կազատագրվես անճաշակ ռաբիս երաժշտություն լսելուց, իսկ եթե ոչ՝ ուրեմն դատապարտված ես մինչև քո կանգառը լսել բարձր կլկլոցը: Դրան էլ եթե գումարենք չսափրված և համարյա միշտ կատաղած վարորդների դեմքերը, նրանց տափակ և անմաստ կատակները, կեղտոտ ու կոտրված նստարաններով ու չփակվող դռներով մեքենաները, ուրեմն դու հերոս ես, եթե անվնաս հասել ես քո ուզած վայրը՝ հաղթահարելով երթուղայինների բոլոր դժվարությունները բավական չէ, դեռ բարձր և աշխատանքային տրամադրություն էլ ունես: Ալեքյան Հովհաննես ''Մխիթար Սեբաստացի կրթահամալիր''www.armolimp.am | |
|
| |
| Բոլոր մեկնաբանությունները: 0 | |